لەمانگێكدا 342 نەشتەرگەری لەنەخۆشخانەی نەشتەرگەری فێركاری كراوە


" تەندروستی"

بەپێی ئامارێكی بەڕێوبەرایەتی گشتی تەندروستی سلێمانی لەماوەی مانگی ڕابردوو لەڕێكەوتی (1 بۆ 31/5/2023) لەنەخۆشخانەی نەشتەرگەری فێركاری لەسلێمانی 3.303 نەخۆش سەردانیان كردووە، هەروەها 342 نەشتەرگەری جۆراوجۆر ئەنجام دراوە كە 11 نەشتەرگەری تایبەت بووە و 93 نەشتەرگەری سەروو گەورە و 40 نەشتەرگەری گەورە و 198 نەشتەرگەری مام ناوەند و بچووك بووە.

هاوكات لەمانگی ڕابردوودا لەنەخۆشخانەی نەشتەرگەری فێركاری 127 پشكنینی سیتی سكان و 263 پشكنینی تیشك و 254 پشكنینی سۆنەر لەو نەخۆشخانەیە كراوە، هاوكات 405 چارەسەری سروشتی و 9.167 پشكنینی جۆراوجۆری تاقیگەیی ئەنجام دراوە.

ڕاگەیاندنی تەندروستی سلێمانی




ئه‌م بابه‌ته 184 جار خوێنراوه‌ته‌وه‌‌


PM:12:31:06/06/2023