" تەندروستی"
بەمەبەستی ئاگاداربوون لەبەڕێوەچوونی خزمەتگوزاری تەندروستی و گرفت و كەموكوڕییەكانی ناوچەكە، د.سەباح نەسرەدین بەڕێوبەری گشتی تەندروستی سلێمانی بەیاوەری ژمارەیەك لە بەرپرسانی كەرتی تەندروستی، سەردانی قەزای شارەزووی كرد و لەئاستی پێشكەشكردنی خزمەتگوزاری تەندروستی ناوچەكەی پرسیەوە.
بەرێوبەری گشتی تەندروستی سلێمانی بەیاوەری حاكم ڕزگار غەفور قایمقامی قەزای شارەزوور لەگەڵ بەڕێوبەر و پزیشك و كارمەندانی نەخۆشخانەی شەهید ڕەئوف بەگ كۆبوەوە و گوێبیستی گرفت و كێشەكانیان بوو، بەڵێنیدا هەوڵ بدات بۆ چارەسەركردنی كێشە و گرفتەكانیان لەپێناو پێشكەش كردنی باشترین خزمەتگوزاری تەندروستی بەهاوڵاتیانی سنوورەكە.
ڕاگەیاندنی تەندروستی سلێمانی
AM:11:52:03/11/2024