لە سلێمانی یەكەمین لوتكەی زانستی ڤایرۆسی جگەر بەڕێوەچوو


" تەندروستی "

ڕۆژی 25/7/2024 بەئامادەبوونی د.هەڤاڵ ئەبوبەكر پاێزگاری سلێمانی و ئاوات محەمەد قایمقامی سلێمانی و د.تەها مەحوی  سەرۆكی لقی سەندیكای پزیشكان و عەبدوڵا ئەحمەد یاریدەدەری بەڕێوەبەری گشتی تەندروستی سلێمانی بۆ كاروباری كارگێڕی و دارایی بەشێك لە پزیشكانی بەئەزموون و بەرپرسانی كەرتی تەندروستی لەپارێزگای سلێمانی، یەكەمین لوتكەی زانستی ڤایرۆسی جگەر  لەسەر ئاستی عێراق و هەرێمی كوردستان بەرێوەچوو.

یەكەمین لوتكەی زانستی ڤایرۆسی جگەر لەلایەن بەڕێوەبەرایەتی گشتی تەندروستی سلێمانی بەهەماهەنگی بەڕێوەبەرایەتی خۆپاراستنی تەندروستی و تاقیگەی گشتی تەندروستی و نەخۆشخانەی كۆئەندامی هەرس و جگەر رێكخرا، كە ژمارەیەك پزیشكی بەئەزموون لە دەستنیشانكردن و چارەسەر و خۆپاراستن لە نەخۆشی هەوكردنی ڤایرۆسی جگەر بەشداربوون.

لە یەكەمین لوتكەی زانستی ڤایرۆسی چەندین وۆركشۆپ و سیمینار و پانێڵی زانستی  پزیشكی  تایبەت بەتازەترین شێوازی دەست نیشانكردن و چارەسەرەكانی هەوكردنی ڤایرۆسی جگەر بەرێوەچون.

ڕاگەیاندنی تەندروستی سلێمانی












ئه‌م بابه‌ته 460 جار خوێنراوه‌ته‌وه‌‌


AM:10:31:29/07/2024