ئاگاداری تایبەت بە دابینكردنی دەرمان و پێداویستی پزیشكی

‌

بەڕێوبەرایەتی گشتی تەندروستی سلێمانی ئاگاداری سەرجەم كۆمپانیاكانی بواری دابینكردنی دەرمان و پێداویستی پزیشكیە جیاوازەكانی ( گشتی، چاو ، ددان ، قەستەرە و دڵی كراوە ، هەرس و جگەر ، پاكژكردنەوە تەعقیم) دەكاتەوە بۆ جاری دووەم لەماوەی (7) ڕۆژ لە ڕێكەوتی بڵاوبوونەوەی ئەم ئاگادارییە سیڤی تایبەت بە كۆمپانیاكانیان پێشكەشی بەشی گرێبەستە گشتیەكانی بەرێوبەرایەتی گشتی تەندروستی سلێمانی بكەن بەمەبەستی هەڵسەنگاندنیان بۆ بەشداری كردن لە تەندەرەكانی نەخۆشخانەكانی سنووری بەڕێوبەرایەتی گشتی تەندروستی سلێمانی و بەڕێوەبەرێتی تەندروستی چەمچەماڵ، كە بەشێوەی كەمگری بەشێوەی سنووردار ئەنجام دەدرێت.

پێویستە سیڤییەكان ئەم زانیارییانەی خوارەوەی تێدابێت و نوێ بن و بەسەرنەچووبن:

1- پێویستە كۆمپانیا تایبەتمەند بێت لەبوارەكەدا و فەرمانی وەزارەتی تەندروستی هەبێت.

2- پشتگیری بەڕێوبەرایەتی باجی دەرامەتی كۆمپانیاكان.

3- پشتگیری بەرێوبەرایەتی تۆماری كۆمپانیاكان.

4- ئەستۆپاكی بەڕێوبەرایەتی دەستەبەری كۆمەڵایەتی.

5- نووسراوی پشتگیری تۆماركردن لەناوەندی پەسەندكردنی دابینكاران.

6- ڕەچاوكردنی كاری لەپێشینەی كۆمپانیا بكرێت لەڕووی پابەندبوون بەگرێبەستەكانەوە لەساڵانی ڕابردوودا ئەگەر هەبێت.

7- وێنەیەك لە بریكارنامەی فەرمی لەكۆمپانیا جیهانیە بەرهەمهێنەرە باوەڕپێكراوەكان ئەگەر هەبێت.

تێبینی: ئەو كۆمپانیانەی لە بانگەوازی یەكەمدا سیڤیان پێشكەشی بەڕێوبەرایەتیمان كردوە بۆ هەمان مەبەستی سەرەوە پێویستە تەنیا نووسراوی پشتگیری تۆماركردن لە ناوەندی پەسەندكردنی دابینكاران پێشكەش بكەن بۆ زیادكردنی لە سیڤیەكانیان.