ئاگاداری بۆ دابینكردنی گاز بۆ نەخۆشخانەی شار

بەرێوبەرایەتی گشتی تەندروستی سلێمانی ئاگاداری سەرجەم كۆمپانیاكان و وێستگەكانی تایبەت بە بواری سووتەمەنی دەكات لەماوەی حەوت ڕۆژ لەڕێكەوتی بڵاوبونەوەی ئەم ئاگادارییە، سیڤی تایبەت بە كۆمپانیاكانیان و وێستگەكانیان پێشكەشی بەشی گرێبەستە گشتیەكانی بەرێوبەرایەتی گشتی تەندروستی سلێمانی بكەن بەمەبەستی بەشداری كردنیان لەتەندەری كاری دابینكردنی (300.000) سێ سەد هەزار لیتر گاز بۆ سەرجەم ئامێرەكانی بۆیلەی گەرمی و ئاوی گەرم و هەڵم و موەلیدەكان لەنەخۆشخانەی شار لە سلێمانی، كە بەشێوەی كەمگری سنووردار ئەنجام دەدرێت.

پێویستە سیڤیەكان ئەم نووسراو و زانیارییانەی خوارەوەی تێدا بێت و نووسراوەكان نوێ بن و بەسەرچوونەبن:

1-  ئەگەر وەرگری تەندەر كۆمپانیا بوو پێویستە بڕوانامەی دامەزراندنی كۆمپانیا پێشكەش بكات، ئەگەر وەرگری تەندەر وێستگەی سووتەمەنی بوو پێویستە مۆڵەتی وەزارەتی سامانە سروشتیەكان پێشكەش بكات.

2- پشتگیری بەرێوبەرایەتی تۆماری كۆمپانیاكان.

3- ئەستۆپاكی باجی دەرامەتی كۆمپانیاكان.

4- ئەستۆپاكی بەڕێوبەرایەتی دەستەبەری كۆمەڵایەتی.