شیكاری چۆنیەتی پرۆسەی قووتدانی خۆراك و ئاو
" تەندروستی"
ئەم گرتەیە بە تیشكی X وێنەی گیراوە لەكاتی پرۆسەی قووتدانی خۆراك و ئاو و دەردەكەوێت چۆن زمانە بچكۆلە رێڕەوی هەناسەدان دادەخات بۆئەوەی خۆراك و ئاو بچێتە ڕێڕەوی خواردن و لەو كاتەدا خۆراك نەپەڕێتە بۆری هەناسەدان و حاڵەتی خنكان دروست نەبێت.
پرۆسەی قووتدان كاتێك دەست پێدەكات كە مرۆڤ پارچەیەك خواردن دەخوات یاخود شلەمەنی دەخواتەوە و لەرێگەی پاڵنانەوە ئەو خۆراك و شلەمەنیەوە لەناو دەمەوە بەرەو قورگ دەچێت و پاشان دەچێتە ناو ڕێڕەوی خواردن و لەو كاتەدا گرنگی زمانە بچكۆلە دەردەكەوێت كە بەتەواوەتی بۆری هەناسەدان دادەخات بۆئەوەی خۆراك و شلەمەنی نەچێتە ئەو بۆریە و مرۆڤ تووشی خنكان نەبێتەوە.
ڕاگەیاندنی تەندروستی سلێمانی
ئه‌م بابه‌ته 2380
جار خوێنراوه‌ته‌وه
AM:08:56:22/11/2015