" تەندروستی "
د.سەباح نەسرەدین بەڕێوبەری گشتی تەندروستی سلێمانی سەردانی دامەزراوەی ڤیژن فاوندەیشنی كرد و بەشداری كرد لە بڵاوكردنەوەی توێژینەوەیەكی دامەزراوەكە لەبارەی بیمەی تەندروستی لە هەرێمی كوردستان و لە توێژینەوەكەدا ڕێگەچارەی كەمكردنەوەی خەرجی چارەسەری نەخۆشی لای هاووڵاتییان خرایەڕوو.
لەو سەردانەدا كە جێگری بەڕێوبەری گشتی تەندروستی و ژمارەیەك لە بەڕێوبەری نەخۆشخانەكان و پزیشكان و بەرپرسان ئامادەیبوون ، بەڕێوبەری گشتی تەندروستی سلێمانی ووتی هەوڵی جدی دراوە بۆ دابینكردنی بیمەی تەندروستی بۆ هاووڵاتییان بە شێوەیەكی دادپەروەرانە.
وتیشی: دەكرێت چەند شێوازێكی سەردەمیانە و گونجاوی بیمە لە هەرێمی كوردستان پەیڕەو بكرێت.
ڕاگەیاندنی تەندروستی سلێمانی
PM:02:14:15/01/2026