شاندێكی وەزارەتی تەندروستی قەزای چەمچەماڵیان بەسەركردەوە
" تەندروستی "
د.سامان بەرزنجی وەزیری تەندروستی حكومەتی هەرێمی كوردستان بە یاوەری د.سەباح نەسرەدین بەڕێوبەری گشتی تەندروستی سلێمانی سەردانی قەزای چەمچەماڵیان كرد و قائیمقامەیەتی چەمچەماڵ و ناوەندە تەندروستیەكانی قەزاكەیان بەسەركردەوە.
شاندەكەی تەندروستی سەردانی قائمقامیەتیان كرد و لەگەڵ مامۆستا عەتا محەمەد بەرپرسی نوسینگەی جێگری سەرۆكی ئەنجومەنی وەزیران و شاهۆ عوسمان جێگری پارێزگای سلێمانی و قائیمقامی چەمچەماڵ و بەرپرسانی یەكە ئیدارییەكانی ناوچەكە كۆبونەوە.
شاندەكەی تەندروستی بەیاوەری د.نورەدین جەلال بەڕێوبەری تەندروستی چەمچەماڵ سەردانی نەخۆشخانەی شەهید پێشڕەو و سەنتەری فریاكەوتنیان كرد و بڕێك دەرمان و پێداویستی پزیشكی وەزارەتی تەندروستی ڕادەستی كۆگای تەندروستی چەمچەماڵ كرا.
ئامانجی ئەو سەردانە بۆ لەنزیكەوە ئاگاداربوون بوو لە ڕەوشی هاوڵاتیان و نەخۆشخانە و دامەزراوە تەندروستیەكانی قەزای چەمچەماڵ لەدوای ئەو لافاوەی لەچەند ڕۆژی ڕابردوو ناوچەكەی گرتەوە و زیانی ماددی لێكەوتەوە.
ڕاگەیاندنی تەندروستی سلێمانی
ئهم بابهته 68
جار خوێنراوهتهوه
PM:04:31:14/12/2025