كۆنفرانسی نێودەوڵەتی كۆمەڵەی پزیشكانی سنگ و دڵ دەستیپێكرد
" تەندروستی"
ئەمڕۆ پێنج شەممە، حەوتەمین كۆنفرانسی نێودەوڵەتی كۆمەڵەی پزیشكانی سنگ و دڵ لە كوردستان بەسەرپەرشتی بەڕێوبەرایەتی گشتی تەندروستی سلێمانی و كۆمەڵەی پزیشكانی سنگ و دڵ لە كوردستان و بە هەماهەنگی كۆمەڵەی پزیشكانی دڵی كەنداو و كۆلیژی ئەمریكی بۆ نەخۆشییەكانی دڵ و كۆمەڵەی كەنداو بۆ نەشتەرگەری دڵ لەشاری سلێمانی دەستیپێكرد و ماوەی دوو ڕۆژ دەخایەنێت.
كۆنفراسەكە بە بەشداری د.هەڤاڵ ئەبوبەكر پارێزگاری سلێمانی و د.سەباح نەسرەدین بەڕێوبەری گشتی تەندروستی سلێمانی و سارا ڕەشید سەرۆكی ڕێكخراوی منداڵپارێزی كوردستان و یاریدەدەری بەڕێوبەری گشتی و ژمارەیەك لە بەرپرسانی كەرتی تەندروستی و ژمارەیەك لە پزیشكانی پسپۆڕ لەهەرێمی كوردستان و عێراق و وڵاتانی جیهان، لەهۆڵی گراند میلینیۆم لەشاری سلێمانی دەستیپێكرد.
لەحەوتەمین كۆنفرانسی زانستی نێودەوڵەتی كۆمەڵەی پزیشكانی سنگ و دڵ لەكوردستان 547 پزیشك و وانەبێژی ناوخۆیی و نێودەوڵەتی لەسەرانسەری هەرێمی كوردستان و عێراق و وڵاتانی عەرەبی و ناوچەكە و ئەوروپا و ئەمریكا بەشدارن، گفتوگۆ دەكرێت لەبارەی دواین زانستەكانی بواری نەخۆشییەكانی سینگ و دڵ و پتەوكردنی هەماهەنگی نێوان سێكتەرە جیاجیاكان و چەندین پانێڵ و سیمپۆزسیۆمی زانستی پێشكەش دەكرێن.
ڕاگەیاندنی تەندروستی سلێمانی
ئه‌م بابه‌ته 28
جار خوێنراوه‌ته‌وه
PM:11:55:30/10/2025