مەراسیمی چلەی ماتەمینی دكتۆر جەمال عومەر لەسلێمانی بەڕێوەچوو
" تەندروستی"
بەئامادەبوونی شاهۆ عوسمان جێگری پارێزگاری سلێمانی و د.سەباح نەسرەدین بەڕێوبەری گشتی تەندروستی سلێمانی و د.ڕێكەوت حەمە ڕەشید سەرۆكی لقی سلێمانی سەندیكای پزیشكان و بەرپرسی بۆردی تەندروستی مەكتەبی ڕێكخراوەكان و بەرپرسانی حكومی و كەسوكارەكەی و ژمارەیەك لە كەسایەتی و پزیشكان و بەڕێوبەری نەخۆشخانەكان، مەراسیمی چلەی ماتەمینی دكتۆر جەمال عومەر تۆفیق لەشاری سلێمانی بەڕێوەوچوو.
لەمەراسیمەكەدا ئامادەبووان باسیان لەڕۆڵی ئەو پزیشكە كۆچكردووە كرد لەخزمەتكردن بە كەرتی تەندروستی و چارەسەركردنی تووشبووانی دەروونی و جەختیان كردەوە لەوەی جێدەستی كار و خزمەتەكانی دیار بووە و كەسێكی دڵسۆز و خەمخۆر بووە، دووبارە سەرەخۆشیان ئاراستەی كەسوكارەكەی كرد.
ڕاگەیاندنی تەندروستی سلێمانی
ئه‌م بابه‌ته 548
جار خوێنراوه‌ته‌وه
AM:11:35:18/06/2025