یاداشتێك بۆ پەرەپێدانی كەرتی تەندروستی لە سلێمانی واژۆكرا
" تەندروستی"
دەستەی كوردستانی بۆ دراساتی ستراتیژی و توێژینەوەی زانستی و بەڕێوبەرایەتی گشتی تەندروستی سلێمانی یاداشتێكی لێكتێگەیشتن یان واژۆ كرد.
بەئامادەبونی د.سەباح نەسرەدین بەڕێوبەری گشتی تەندروستی سلێمانی و پرۆفیسۆر د.شوان كەمال ڕەشید سەرۆكی دەستەی كوردستانی بۆ دراساتی ستراتیژی و توێژینەوەی زانستی یاداشتێكی لێكتێگەیشتن واژۆكرا و هەردولا ڕێكەوتن لەسەر هەماهەنگی لەنێوان كەرتی تەندروستی و دەستەی كوردستانی.
ئامانجی واژۆكردنی ئەو یاداشتی لێكتێگەیشتنە لەپێناو ناساندنی پرۆژە و كاری زانستیە بەگشتی و كەرتی تەندروستی بەتایبەت بەمەبەستی خزمەتكردنی كۆمەڵگا و چارەسەركردنی كێشە و گرفتە تەندروستیەكانی شاری سلێمانی.
ڕاگەیاندنی تەندروستی سلێمانی
ئه‌م بابه‌ته 176
جار خوێنراوه‌ته‌وه
PM:12:04:17/03/2025