هەماهەنگی بۆ چارەسەری كێشە یاساییەكانی كەرتی تەندروستی دەكرێت
" تەندروستی"
بەئامادەبوونی دادوەر عومەر ئەحمەد سەرۆكی دادگای تێهەڵچوونەوەی ناوچەی سلێمانی و سەرۆكی دەستەی دەستپاكی هەرێم و داواكاری گشتیی و د.سەباح نەسرەدین بەڕێوبەری گشتی تەندروستی سلێمانی و بەڕێوبەری نەخۆشخانەی هیوا و لێپرسراوانی بەشی یاسا و گرێبەستەكان لە بەڕێوبەرایەتی گشتی تەندروستی سلێمانی، كۆبونەوەیەك بەڕێوەچوو.
ئامانجی ئەو كۆبونەوەیە بۆ هەماهەنگی دەسەڵاتی دادوەریی و بەرپرسانی كەرتی تەندروستیە بۆ چارەسەركردنی كێشە یاساییەكانی كەرتی تەندروستی، لەكۆبونەوەكەدا گفتوگۆكرا دەربارەی كێشە یاساییەكانی كەرتی تەندروستی و ڕێكارە یاساییەكان لەوبارەیەوە تاوتوێكران.
ڕاگەیاندنی تەندروستی سلێمانی
ئه‌م بابه‌ته 172
جار خوێنراوه‌ته‌وه
AM:11:54:17/03/2025