مانگی ڕابردوو 450 نەخۆش لەسەنتەری حەساسیەت و ڕەبۆ بینراون
" تەندروستی "
بەپێی ئاماری بەرێوبەرایەتی گشتی تەندروستی سلێمانی لەماوەی مانگی ڕابردوو لەڕێكەوتی (1 بۆ 31/1/2025) لەسەنتەری حەساسیەت و ڕەبۆ لەشاری سلێمانی 450 نەخۆش سەردانی ئەو سەنتەرەیان كردووە بۆ وەرگرتنی چارەسەر.
ئەو نەخۆشخانەی مانگی ڕابردوو سەردانی سەنتەری حەساسیەت و ڕەبۆیان كردووە 259 نەخۆشیان نەخۆشی كۆئەندامی هەناسەیان هەبووە و 191 نەخۆش نەخۆشی پێست و هەستیاریان هەبووە ،209 نەخۆش نێربوون و 241 نەخۆش لەڕەگەزی مێ بوون.
هاوكات لەماوەی مانگی ڕابردوودا لەسەنتەری حەساسیەت و ڕەبۆ 75 حاڵەتی ڕەبۆ و 10 ئەنفلۆنزا و 18 حاڵەتی نەخۆشی لووت و هەوكردنی گیرفانەكانی لووت و 129 نەخۆشیەكانی كۆئەندامی هەناسەدان، هەروەها 117 حاڵەتی هەوكردنی پێست و ئەكزیما و 74 حاڵەتی نەخۆشیەكانی پێست تۆماركراوە.
ڕاگەیاندنی تەندروستی سلێمانی
ئه‌م بابه‌ته 1088
جار خوێنراوه‌ته‌وه
AM:10:35:02/02/2025