مەراسیمێكی ڕێزلێنان لە ستافی نەخۆشخانەی سووتاوی بەڕێوەچوو
" تەندروستی"
بەئامادەبوونی د.هێرش سەید سەلیم جێگری بەڕێوبەری گشتی تەندروستی سلێمانی و بەڕێوبەر و كارمەندانی نەخۆشخانەی سوتاوی و نەشتەرگەری جوانكاری، مەراسیمێك بۆ ڕێزلێنان لە ستافی نەخۆشخانەی سووتاوی بەڕێوەچوو.
د.شاخەوان سائیب بەگ، بەڕێوبەری نەخۆشخانەی سووتاوی و نەشتەرگەری جوانكاری ڕایگەیاند: ڕیزلێنان لەستافی نەخۆشخانەكەیان لەپای ئەو ئەركانە بووە جێبەجێیان كردوە، بەتایبەت چارەسەركردنی سێ كەس كەڕێژەی سوتاوییەكەیان زۆر بو و توانرا بە تەندروستیەكی باشەوە بنێردرێنەوە بۆ ماڵەوە.
وتیشی: سەرەڕای نەبونی موچە و كەمبونەوەی دەوام، ستافی نەخۆشخانەی سووتاوی و نەشتەرگەری جوانكاری دەستبەرداری خزمەتكردن نەبوون و بەردەوام بون لەچارەسەركردنی ئەو كەسانەی سوتاون.
بەڕێوبەری نەخۆشخانەی سووتاوی و نەشتەرگەری جوانكاریی دەڵێت: ئەو خزمەتگوزارییەی لەنەخۆشخانەكەیان بۆ چارەسەركردنی سووتاوی پێشكەش دەكرێت بێبەرامبەرە و شانبەشانی ئەو كوالیتیەیە لەوڵاتانی دەرەوە پێشكەش دەكرێت و تێچووییەكی زۆری هەیە.
ڕاگەیاندنی تەندروستی سلێمانی
ئه‌م بابه‌ته 120
جار خوێنراوه‌ته‌وه
AM:11:43:09/01/2025