مانگی ڕابردوو 912 منداڵ لەنەخۆشخانەی مناڵبوون لەدایك بوون
" تەندروستی"
بەپێی ئاماری بەرێوبەرایەتی گشتی تەندروستی سلێمانی لەماوەی مانگی ڕابردوو لەڕێكەوتی (1 بۆ 30/6/2024) لەنەخۆشخانەی مناڵبوونی فریاكەوتنی فێركاری 4,060 نەخۆش سەردانیان كردووە، لەو ژمارەیە 1,611 نەخۆش داخڵ كراون و چارەسەری پێویستیان بۆ كراوە.
مانگی ڕابردوو 912 منداڵ لەنەخۆشخانەی مناڵبوونی فریاكەوتنی فێركاری لەدایك بوون و 467 منداڵ كوڕ بوون و 445 منداڵ كچ بووە، لەو ژمارەیە 520 منداڵیان بەشێوەی سروشتی لەدایك بوون و 392 منداڵ لەڕێگەی نەشتەرگەری لەدایك بوون و 586 منداڵ لەبەشی نەبەكام داخڵ كراون.
هاوكات لەمانگی ڕابردوودا لەنەخۆشخانەی مناڵبوونی فریاكەوتنی فێركاری 23 حاڵەتی لەدایكبوونی دووانە و 3 حاڵەتی لەدایكبوونی سیانە و 1 حاڵەتی لەدایكبوونی چواری و 127 حاڵەتی لەبارچوونی منداڵ تۆماركراوە، 1,299 سۆنەر گیراوە و 9,459 پشكنینی تاقیگەیی و 170 چارەسەری سروشتی ئەنجام دراوە.
ڕاگەیاندنی تەندروستی سلێمانی
ئه‌م بابه‌ته 312
جار خوێنراوه‌ته‌وه
AM:11:26:10/07/2024