لەمانگێكدا لیژنەكانی چاودێری تەندروستی 4.270 سەردانیان ئەنجام داوە
" تەندروستی"
بەپێی ئامارێكی بەرێوبەرایەتی گشتی تەندروستی سلێمانی لەماوەی مانگێكدا لەڕێكەوتی (25/9 بۆ 25/10/2022) لیژنەكانی چاودێری تەندروستی 4.270 سەردانیان بۆ بازاڕەكان و ماركێتەكان و شوێنە جیاجیاكانی شاری سلێمانی ئەنجام داوە بەمەبەستی دڵنیابوونەوە لەمەرج و ڕێنماییە تەندروستیەكان و ڕێگری كردن لەساغكردنەوەی خۆراك و كەلوپەلی نەشیاو بۆ بەكارهێنان.
لەو ماوەیەدا لیژنەكانی چاودێری تەندروستی سلێمانی 1.601 شوێنیان ئاگاداركردۆتەوە و 85 شوێنیان غەرامە كردووە و 10 شوێنیان داخستووە بەهۆی پابەندنەبوون بەمەرج و رێنماییە تەندروستیەكان و هەروەها 458 مۆڵەتنامە بەخشراوە و 100 مۆڵەتنامە پووچەڵكراوەتەوە.
لەو مانگەدا لیژنەكانی چاودێری تەندروستی سلێمانی دەستیان گرتووە بەسەر بڕی 5.184 كیلۆگرام خواردن و 1.134 لیتر خواردنەوە و 78 پارچە كەلوپەل كەشیاو نەبووە بۆ بەكارهێنان و پشكنین كراوە بۆ 905 نمونەی خۆراك و خواردنەوە و 41 نمونەیان نەشیاو بووە بۆ بەكارهێنان و پشكنین كراوە بۆ 507 نمونەی ئاو و 53 یان نەشیاو بووە.
ڕاگەیاندنی تەندروستی سلێمانی
ئه‌م بابه‌ته 196
جار خوێنراوه‌ته‌وه
PM:12:01:03/11/2022