تووشبوانی كۆرۆنا لەسەرتاسەری جیهان 288 ملیۆن كەسی تێپەڕاند
تایبەت " تەندروستی"
ڕێكخراوی تەندروستی جیهانی ئاماری توشبوانی ڤایرۆسی كۆرۆنای لەسەرتاسەری جیهان ڕاگەیاند و بڵاویكردەوە ژمارەی تووشبوان لەجیهان گەیشتۆتە زیاتر لە 288 ملیۆن توشبوو لەوكاتەوەی دەركەوتنی ئەو ڤایرۆسە لەكۆتایی ساڵی 2019وە ڕاگەیەنرا تائێستا.
بەپێی ئاماری ڕێكخراوی تەندروستی جیهانی زیاتر لەپێنج ملیۆن و 458 هەزار كەس بەهۆی پەتاكەوە گیانیان لەدەست داوە و لەسەرەتای سەرهەڵدانی ڤایرۆسەكەوە و زیاتر لە 244 ملیۆن هاوڵاتی چاكبوونەتەوە و ڤایرۆسەكەیان پەڕاندووە.
لەسەر ئاستی وڵاتانی جیهان، ئەمریكا زۆرترین ڕێژەی تووشبوون بەپەتاكەی تێدا تۆماركراوە و تائێستا زیاتر لە 55 ملیۆن توشبووی كۆرۆنا لەو وڵاتە تۆمار كراوە و زیاتر لە 846 هەزار كەسیش بەهۆی ڤایرۆسەكەوە گیانیان لەدەستداوە.
ڕاگەیاندنی تەندروستی سلێمانی
ئهم بابهته 208
جار خوێنراوهتهوه
AM:11:15:02/01/2022