تەندروستی جیهانی: ڤاكسین بەتەنیا گواستنەوەی كۆرۆنا ناوەستێنێت
تایبەت " تەندروستی "
ڕێكخراوی تەندروستی جیهانی هۆشداریدا و داوای لەدانیشتووانی جیهان كرد پابەندبن بە بەستنی دەمامك، تەنانەت ئەو كەسانەشی ڤاكسینی دژی كۆرۆنایان وەرگرتووە دەبێت بەردەوام بن لەبەستنی دەمامك.
ڕێكخراوی تەندروستی جیهانی هۆشداری دایە هەنگاوی هەندێك وڵات بۆ پێدانی ئازادی بۆ لابردنی دەمامك و ئاماژەی بەوەكرد تەنانەت ئەو كەسانەی هەردوو ژەمی ڤاكسینی كۆرۆنایان وەرگرتووە بەستنی دەمامك و دوورەپەرێزی كۆمەڵایەتی زۆر پێویستە بۆ پاراستنیان لەجۆرە گۆڕاوەكانی ڤایرۆسی كۆرۆنا.
د.ماریانجیلا سیماو یاریدەدەری بەرێوبەری رێكخراوی تەندروستی جیهانی ووتی: ڤاكسینەكان بەتەنیا گواستنەوەی ڤایرۆسی كۆرۆنا ناوەستێنێت و خەڵكی پێویستیان بە بەردەوامبوونی بەستنی دەمامك و لەشوێنێكدا بن هەواگۆڕكێی باش بێت و پابەندبن بە دوورەپەرێزی و لەقەرەباڵغی دووربكەونەوە.
وتیشی: ئەو ڕێوشوێنانە زۆر گرنگە تەنانەت ئەگەر كەسەكان ڤاكسینیان وەرگرتبێت بەهۆی ئەوەی گواستنەوەی پەتاكە لەناو كۆمەڵگادا بەردەوامە.
ڕاگەیاندنی تەندروستی سلێمانی
ئه‌م بابه‌ته 921
جار خوێنراوه‌ته‌وه
AM:11:25:28/06/2021