چەند ڤاكسینێكی نوێی دژی كۆرۆنا بەرهەم دەهێنرێت
تایبەت " تەندروستی "
لەكاتێكدا ڤایرۆسی كۆرۆنا دوژمنی پلە یەكی مرۆڤایەتی بەردەوامە لە بڵاوبوونەوە و ژمارەیەكی زۆر لەخەڵكی بەهۆیەوە بوونەتە قوربانی، هەوڵە زانستیەكان بەردەوامن بۆ بەرهەمهێنانی نەوەی دووەمی ڤاكسینی كۆرۆنا.
ڕۆژنامەی وۆڵ ستریت جورناڵی ئەمریكی بڵاویكردەوە ژمارەیەك كۆمپانیای دەرمان و تاقیگەی حكومی كاردەكەن بۆ پەرەپێدانی چەند ڤاكسینێكی دژی كۆرۆنا كەوەك حەب یاخود بەخاخی لووت بەكاربهێنرێت و هەڵگرتنی ئاسان بێت بەراورد بەو ڤاكسینانەی ئێستا هەیە و لەرێگەی دەرزی لێدانەوە بەكاردێت.
ئەو ڤاكسینانەی كاری لەسەر دەكرێت توانای دابینكردنی بەرگری هەیە كەماوەیەكی زیاتر بمێنێتەوە و زیاتر چالاك بێت دژی جۆرە نوێیەكانی ڤایرۆسی كۆرۆنا.
ڕۆژنامەی وۆڵ ستریت جورناڵ ئاماژەی بەوەكرد دوو ڤاكسین هەیە پەرەی پێدەدرێت وەك حەب لەڕێگەی قووتدانەوە بەكاردەهێنرێت و حەوت پێكهاتەی دیكەش هەیە كەوەك بەخاخی لووت بەكاردەهێنرێت و پێدەچێت لەكۆتایی ئەمساڵ یاخود ساڵی داهاتوو بەردەست بێت.
ڕاگەیاندنی تەندروستی سلێمانی
ئه‌م بابه‌ته 918
جار خوێنراوه‌ته‌وه
PM:12:06:05/05/2021