هیچ حاڵەتێكی نەخوازراو بەهۆی پێكوتە لەسلێمانی تۆمارنەكراوە
تایبەت " تەندروستی "
د.سەباح نەسرەدین بەڕێوبەری گشتی تەندروستی سلێمانی لەكۆنفرانسێكی ڕۆژنامەوانیدا تیشكی خستەسەر پرۆسەی دابەشكردنی پێكوتەی دژی كۆرۆنا لەشاری سلێمانی و ڕایگەیاند: تائێستا هاوڵاتیان پێشوازیەكی باشیان لەخۆكوتان كردووە و زیاتر لە 10 هەزار كەس خۆیان كۆتاوە و پێكوتەیان وەرگرتووە.
ووتی: تائێستا هیچ حاڵەتێكی نەخوازراو لەدوای وەرگرتنی پێكوتە تۆمار نەكراوە و هەفتەی داهاتوو نزیكەی 16 هەزار ژەمە پێكوتەی دیكە دەگاتە پارێزگای سلێمانی.
بەرێوبەری گشتی تەندروستی سلێمانی داوای لە هاوڵاتیان كرد بەبێ ترس و دڵەڕاوكێ پێكوتە بەكاربهێنن و هەر كەسێكیش دوای كوتان نیشانەی هەبوو جێی مەترسی نیە.
وتیشی: 32 بنكەی كوتان لەپارێزگای سلێمانی بۆ هاوڵاتیان دابینكراوە و 11 بنكەیان لەناو شاری سلێمانیدایە و تا ئێستا سێ جۆر پێكوتەی چینی و بەریتانی و ئەمریكی گەیشتۆتە سلێمانی.
ڕاگەیاندنی تەندروستی سلێمانی
ئهم بابهته 1008
جار خوێنراوهتهوه
PM:01:12:18/04/2021