لێكۆڵینەوەیەك: كۆرۆنای گۆڕاو تووشی مشك دەبێت





تایبەت " تەندروستی "


پێشتر دەركەوت ڤایرۆسی كۆرۆنای گۆڕاو تووشی ئاژەڵەكان دەبێت لەوانە سەگ و پشیلە، بەپێی نوێترین لێكۆڵینەوە دەركەوتووە ئەو ڤایرۆسە گۆڕاوە تووشی مشك دەبێت و ئەوەش بۆتە هۆی نیگەرانبوونی زانایان.

بەپێی لێكۆڵینەوەیەكی نوێی پەیمانگای باستور لەپاریس دەركەوتووە ئەو جۆرە ڤایرۆسی گۆڕاوەی كۆرۆنا كەیەكەمجار لەئەفریقای باشوور و بەرازیل دەركەوت تووشی مشك دەبێت و ئەوەش وادەكات مشك ببێتە گوێزەرەوەی ڤایرۆسەكە.

مونتا جوتیلی كزافییە لێكۆڵەری سەرەكی لێكۆڵینەوەكە لەپەیمانگای باستور ڕایگەیاند: بوونی ئاژەڵێكی دیكە كەتووشی ڤایرۆسی گۆڕاوی كۆرۆنا بێت جێی نیگەرانیە.

ووتی: هەركاتێك ڤایرۆسەكە خۆی لەنێو كۆمەڵێك ئاژەڵدا بچەسپێنێت ئەوا بەردەوام دەبێت لەبڵاوبوونەوە و گۆڕانكاریی و پێدەچێت جارێكی دیكە ڤایرۆسەكە بەشێوەیەكی نوێ بۆ مرۆڤ بگوازرێتەوە.

ئا: كارزان عەبدوڵا
ڕاگەیاندنی تەندروستی سلێمانی




ئه‌م بابه‌ته 718 جار خوێنراوه‌ته‌وه‌‌


AM:11:28:28/03/2021