زانایانی بەریتانی ئاشكرایانكرد سیستمی خۆراك كاریگەری هەیە لەسەر پرۆسەی چاكبوونەوەی تووشبوانی ڤایرۆسی كۆرۆنا و لەسەر ئەو بەنەمایەش لیستێكی خۆراكیان دیاری كرد كە لەو بڕوایەدان پرۆسەی چاكبوونەوە خێراتردەكات.

هەردوو زانای بەریتانی ئیما دیربشەیر و جوان دیلانج لێكۆڵینەوەیەكیان ئەنجامدا لەسەر ڕۆڵی خۆراك لەپتەوكردنی بەرگری لەش و ئەو خۆراكانەی یارمەتیدەرە بۆ پتەوكردنی بەرگری لەش و خێراتركردنی چاكبوونەوە لەڤایرۆسی كۆرۆنا.

ئەو دوو زانایانە پێشنیاری ئەوەیان كردووە تووشبووانی ڤایرۆسی كۆرۆنا خۆراكە دەوڵەمەندەكان بە ڤیتامین سی و دی و ماددەی زینك بخۆن، چونكە ڤیتامین سی كۆئەندامی هەناسەدان پتەوتردەكات و ڤیتامین دی ڕێكخەری بەرگرییەكی بەهێزە و رۆڵی پارێزگاری لەهەوكردنی كۆئەندامی هەناسە دەبینێت و ماددەی زینك ڕەگەزێكی گرنگە بۆ تەندروستی و هانی كۆئەندامی بەرگری دەدات.

ئەو دوو زانایە پێشنیاری خواردنی مەوادە دەوڵەمەندەكان بەڤیتامین سی دەكەن وەك برۆكلی و مزرەمەنیەكان و ماددەی دەوڵەمەند بەزینك وەك فاسۆلیا و هێلكەی كوڵاو و تەواوكاری ڤیتامین دی، چونكە ئەو سیستمە خۆراكیە پرۆسەی چاكبوونەوە لەڤایرۆسی كۆرۆنا خێراتردەكات.

ئەو سیستمی خۆراكیە بۆ ئەو كەسانە نابێت كە نەخۆشی درێژخایەنی وەك شەكرە و نەخۆشی سییەكان و ڕەبۆ و نەخۆشەكانی دڵ و دەمارەكانیان هەیە و و دەبێت راوێژ بە پزیشك بكەن پێش ئەوەی ئەو سیستمە جێبەجێ بكەن.

ئا: كارزان عەبدوڵا

سەرچاوە/ روسیا الیوم