هۆكاری نەمانی بۆنكردن لای تووشبووانی كۆرۆنا ئاشكراكرا

تایبەت " تەندروستی"

لە لێكۆڵینەوەیەكی پزیشكی نوێیدا كۆمەلێك زانای ئەمریكی هۆكاری لەدەستدانی هەستی بۆنكردنیان ئاشكراكرد كەلەكاتی تووشبوون بەڤایرۆسی كۆرۆنا كەسی تووشبوو ئەو هەستە لەدەست دەدات.

پرۆفیسۆر ئەندرۆ لین لەكۆلیژی پزیشكی لەزانكۆی جۆنز هۆبكینزی ئەمریكی بەهاوكاری د.مینگفی چین لەهەمان زانكۆ لێكۆڵینەوەیەكیان كرد لەهۆكاری لەدەستدانی هەستی بۆنكردن لای تووشبووانی كۆرۆنا.

ئەو زانایانە بۆیان دەركەوت هۆكاری ئەوەی تووشبووانی كۆرۆنا هەستی بۆنكردن لەدەست دەدەن لەكاتێكدا نیشانەكانی دیكەیان لەسەر دەرناكەوێت، دەگەڕێتەوە بۆ بوونی رێژەیەكی زۆری هۆرمۆنی ئەنجیۆتنسین لەناوچەی لووت و شوێنی لێپرسراو لەهەستی بۆنكردن.

زانایان لەو بڕوایەدان ئەو هۆرمۆنە خاڵی چوونە ژوورەوەیە و رێگەدەدات بە ڤایرۆسی كۆرۆنا بچێتە نێو خانەكانی لەش و هۆكاری گواستنەوەی بۆ خەڵكی دیكە.

پرۆفیسۆر ئەندرۆ لین سەرپەرشتیاری لێكۆڵینەوەكە ووتی: ڤایرۆسەكانی دیكەی كۆئەندامی هەناسە بەگشتی دەبنە هۆی لەدەستدانی هەستی بۆنكردن بەهۆی هەڵاوسانی بۆری لووت، بەڵام ڤایرۆسی كۆرۆنا دەبێتە هۆی لەدەستدانی هەستی بۆنكردن بەبێ بوونی نیشانەی دیكە لە لووت.

ئا: كارزان عەبدوڵا
سەرچاوە/ سۆمریە نیوز
ڕاگەیاندنی تەندروستی سلێمانی

PM:12:03:25/08/2020

ئه‌م بابه‌ته 1129 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.