تەندروستی جیهانی: كۆرۆنا وەك دوژمنی مرۆڤایەتی دەمێنێتەوە
تایبەت " تەندروستی"
ڕێكخراوی تەندروستی جیهانی هۆشداریدا لەوەی ژمارەیەك وڵات بەئاراستەی هەڵەدا دەرۆن و ڕێوشوێنی تەندروستیان نەگرتۆتەبەر بۆ بەرەنگاربوونەوەی ڤایرۆسی كۆرۆنا.
د.تیدروس ئەدهانۆم بەرێوبەری رێكخراوی تەندروستی جیهانی لەلێدوانێكدا ووتی: بەم نزیكانە گەڕانەوە نابێت بۆ بارودۆخی سروشتی و ڤایرۆسی كۆرۆنا وەك دوژمنی ژمارە یەكی ئاشكرای مرۆڤایەتی دەمێنێتەوە.
روونیكردەوە: ئەوەی زۆرینەی حكومەتی وڵاتان و تاكەكان ئەنجامی دەدەن پێویست نیە بۆ بنبڕكردنی ئەو ڤایرۆسە و ژمارەیەكی زۆری وڵاتان ئاراستەی هەڵەیان گرتۆتەبەر.
بەرێوبەری رێكخراوی تەندروستی جیهانی داوای لەوڵاتان كرد ستراتیژی گشتگیر دابرێژن بەئامانجی دانانی سنوورێك بۆ بڵاوبوونەوەی ڤایرۆسی كۆرۆنا و ڕزگاكردنی هاوڵاتیان و ئاماژەی بەوەكرد ئەگەر پابەندبوون نەبێت بەپرەنسیپ و بنەماكان ئەوا پەتای كۆرۆنا تەنیا بەیەك ئاراستەدا دەڕوات و بارودۆخەكە بەرەو خراپتر دەڕوات.
ئا: كارزان عەبدوڵا
سەرچاوە/ سكای نیوز
ڕاگەیاندنی تەندروستی سلێمانی
ئه‌م بابه‌ته 1133
جار خوێنراوه‌ته‌وه
AM:11:41:15/07/2020