دەمامك مەترسی تووشبوون بەكۆرۆنا كەمدەكاتەوە
تایبەت " تەندروستی "
بەپێی لێكۆڵینەوەیەكی ئەمریكی دەركەوتووە دەمامك بەڕێژەیەكی زۆر مەترسی تووشبوون بەڤایرۆسی كۆرۆنا كەمدەكاتەوە.
ژمارەیەك لێكۆڵەری نەخۆشخانەی دیفیزی سەر بەزانكۆی كالیفۆرنیا لەئەمریكا لەلێكۆڵینەوەیەكدا بۆیان دەركەوت بەستنی دەمامك بەشێوەیەكی زۆر گەورە تووشبوون بەڤایرۆسی كۆرۆنا كەمدەكاتەوە و ئاماژەیان بەوەكرد داپۆشینی دەم و لووت دەبێتە هۆی كەمبوونەوەی مەترسی تووشبوون بەو ڤایرۆسە بەرێژەی لەسەدا شەست و پێنج.
د.دین بلومبێرگ سەرۆكی بەشی نەخۆشیە گواستراوەكان لەنەخۆشخانەی دیفیز رایگەیاند: پێویستە لەسەر هەمووان دەمامك بەكاربهێنن و دەم و لووتیان دابپۆشن بۆئەوەی بەدووربن لەمەترسی تووشبوون بەڤایرۆسی كۆرۆنا.
لەگەڵ ئەنجامدانی لێكۆڵینەوەی زیاتر دەركەوتووە بەستنی دەمامك سوودی هەیە بۆ ڕێگری لەوەی كەسانی تووشبوو بەكۆرۆنا ڤایرۆسەكە بۆ كەسانی دیكە بگوازنەوە و سوودی هەیە بۆ پاراستنی كەسانی تەندروست لەتووشبوون.
ئا: كارزان عەبدوڵا
سەرچاوە/ سكای نیوز
ڕاگەیاندنی تەندروستی سلێمانی
ئه‌م بابه‌ته 950
جار خوێنراوه‌ته‌وه
AM:11:00:13/07/2020