كۆی تووشبووانی كۆرۆنا لە هەرێم 1320 كەسی تێپەڕاند


تایبەت " تەندروستی "

بەپێی ئامار و داتاكانی وەزارەتی تەندروستی حكومەتی هەرێمی كوردستان كۆی تووشبووانی ڤایرۆسی كۆرۆنای نوێ لەسەرتاسەری هەرێمی كوردستان گەیشتۆتە 1322 تووشبوو و 26 كەس بەهۆی ئەو ڤایرۆسەوە گیانیان لەدەستداوە و بوونەتە قوربانی.


لەپارێزگای سلێمانی و ئیدارەی گەرمیان و ڕاپەڕین 794 تووشبووی كۆرۆنا تۆماركراوە و لەپارێزگای هەولێر 400 تووشبوو و لەپارێزگای دهۆك 103 تووشبوو و لەپارێزگای هەڵەبجە 25 تووشبووی كۆرۆنا تۆماركراوە.

بەپێی داتاكان تائێستا 458 كەس دوای تووشبوونیان بەڤایرۆسی كۆرۆنا چاكبوونەتەوە و كۆی گشتی ئەو پشكنینانەی كۆرۆنا لەسەرتاسەری هەرێمی كوردستان ئەنجام دراوە لەسەرەتای سەرهەڵدانی ڤایرۆسەكە تائێستا گەیشتۆتە 87 هەزار و 590 پشكنین.

ڕاگەیاندنی تەندروستی سلێمانی

PM:12:31:08/06/2020

ئه‌م بابه‌ته 84 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.