لەسێ مانگدا 3261 نەخۆش لەنەخۆشخانەی هەناوی داخڵ كراون
تایبەت " تەندروستی "
بەپێی ئامارێكی بەڕێوبەرایەتی گشتی تەندروستی سلێمانی لەماوەی سێ مانگی رابردووی ئەمساڵدا 3261 نەخۆش داخڵی نەخۆشخانەی شەهید د.هێمن ی هەناوی فێركاری بوون لەشاری سلێمانی بەمەبەستی چارەسەركردن.
هەربە پێی هەمان ئامار و لەو ماوەیەدا 1220 هاوڵاتی سەردانی كلینكی ڕاوێژكاری ئەو نەخۆشخانەیەیان كردووە و 127 هێڵكاری سییەكان و 2213 هێڵكاری دڵ و 264 ئێم ئاڕ ئای و 281 تیشك ئەنجام دراوە.
هاوكات 17265 پشكنینی تاقیگەی بۆ ئەو نەخۆشانە كراوە كەسەردانیان كردووە و 175 ئیكۆ و 267 سۆنار و 46 شتنەوەی گەدە و 70 چارەسەری سروشتی كراوە.
ڕاگەیاندنی تەندروستی سلێمانی
ئه‌م بابه‌ته 801
جار خوێنراوه‌ته‌وه
AM:11:12:20/05/2020