هیچ حاڵەتێكی نوێی كۆرۆنا لەهەرێمی كوردستان تۆمارنەكراوە
تایبەت " تەندروستی "
ماوەی چەند رۆژێكە هیچ حاڵەتێكی نوێی تووشبوون بەڤایرۆسی كۆرۆنا لە هەرێمی كوردستان تۆمارنەكراوە.
بەپێی نوێترین بەیاننامەی وەزارەتی تەندروستی حكومەتی هەرێمی كوردستان لەماوەی 24 كاتژمێری رابردوودا هیچ حاڵەتێكی كۆرۆنا تۆمارنەكراوە و لەئێستادا تەنیا 1056 هاوڵاتی لەكەرەنتینە ماونەتەوە و 427 كەس لەهەولێر و 136 كەس لەسلێمانی 500 كەس لەدهۆك و 2 كەس لەڕاپەڕین لەكەرەنتینەدان.
هاوكات ئەوەخراوەتەڕوو لەماوەی 24 كاتژمێری ڕابردوودا 978 پشكنینی كۆرۆنا ئەنجام دراوە لەسەرئاستی هەرێمی كوردستان و دەرەنجام هیچ تووشبوویەكی نوێ تۆمارنەكراوە.
كۆی تووشبووانی ڤایرۆسی كۆرۆنا لەهەرێمی كوردستان 391 تووشبووە و لەنێویاندا 5 قوربانی هەیە و 372 تووشبوو چاكبوونەتەوە و گەڕاونەتەوە ماڵەوە و ئێستا تەنیا 14 تووشبوو لەژێر چاودێری پزیشكی ماونەتەوە.
ڕاگەیاندنی تەندروستی سلێمانی
ئه‌م بابه‌ته 248
جار خوێنراوه‌ته‌وه
AM:10:31:13/05/2020