سیستمی خۆراكی تەندروست لەمانگی ڕەمەزان
تایبەت " تەندروستی "
لەمانگی ڕەمەزانی پیرۆز پێویستە پارێزگاری بكەین لەسیستمێكی خۆراكی گونجاو و تەندروست بۆئەوەی بەدووربین لەزیادبوونی كێش و گرفتی تەندروستی.
د.مەجدی نزیە سەرۆكی بەشی خۆراك لەپەیمانگای نەتەوەیی خۆراك لەمیسر باسی چەند رێنماییەك دەكات بۆ پارێزگاری لەتەندروستی لەش لەمانگی ڕەمەزان ئەوانیش:
- لەكاتی بەربانگ كردنەوە ئاو و شلەمەنی و شەربەتی سروشتی بخورێتەوە یاخود خورما و شۆربای گەرم و بۆ ماوەی نیو كاتژمێر پشوو بدرێت.
- دوای نیو كاتژمێرەكە دەست بكرێت بەخواردنی ژەمی سەرەكی و پێویستە ماددەی كاربۆهێدرات و ڕیشاڵەكان و شەكرەمەنی و پرۆتینەكانی تێدا بێت وەك برنج و ماكەرۆنە و سەرجەم جۆرەكانی نان و گۆشت و هێلكە و پاقلەمەنی و ماسی.
- بەكارهێنانی سەوزەواتی ڕەنگاوڕەنگ زۆر گرنگە لەدوای بەربانگ ئەویش بەهۆی گرنگی سەوزەوات لەسەلامەتی زیندە چالاكیەكانی لەش.
- لەنێوان ژەمەخۆراكی بەربانگ و پارشێو باشترە میوەی تازە بخورێت.
- ژەمی پارشێو دەبێت كاربۆهێدراتی تێدا بێت و پاقلەمەنیەكان باشترە.
- دووركەوتنەوە لەخواردنەوەی چاو و قاوە و شیرینی لەكاتی پارشێو.
- زۆر ئاوخورادنەوە لەنێوان ژەمی بەربانگ و پارشێو.
- خەوتنی بڕی پێویست لەشەواندا.
ئا: كارزان عەبدوڵا
سەرچاوە/ العربية.نت
ڕاگەیاندنی تەندروستی سلێمانی
ئه‌م بابه‌ته 1703
جار خوێنراوه‌ته‌وه
AM:11:31:29/04/2020