ئەو خۆراكانەی لەوەرزی زستاندا بەسوودن
تایبەت " تەندروستی "
لەوەرزی زستان و سەرمادا نەخۆشكەوتن و سەرمابوون و تووشبوون بەپەتا و ئەنفلۆنزای وەرزی و كۆكە زیاد دەكات بەهۆی كەمبوونەوەی بەرگری لەش، هەربۆیە پێویستە خۆراكی تەندروست بەكاربهێنرێت و سیستمێكی خۆراكی هاوسەنگ پەیڕەوبكرێت بۆ خۆپاراستن لە نەخۆشی.
لەوەرزی زستان و سەرمادا هەندێك خۆراك هەیە كە پێویستە سوودیان لێوەربگیرێت بۆ زیادكردنی رێژەی بەرگری لەش و دووركەوتنەوە لەنەخۆشكەوتن، ماڵپەڕی ئێن دی تی ڤی فوود بڵاویكردەوە 3 خۆراك هەیە كەلەوەرزی زستان سوودێكی زۆری هەیە و دەبێتە هۆی پتەوبوونی بەرگری لەش و دووركەوتنەوە لەنەخۆشی ، ئەوانیش:
چەوەندەر: ئەم خۆراكە سوورە سەرسوڕهێنەرە دەوڵەمەندە بە ماددەی خۆراكی و دژە ئۆكسان و بەسوودە بۆ هاوسەنگی پەستانی خوێن و دەبێتە هۆی چالاكبوونی سوڕی خوێن و كەمكردنەوەی قەبزی و بەرەنگاربوونەوەی هیلاكی و باشكردنی هەرسكردن.
گێزەر: دەوڵەمەندە بە ریشاڵەكان و كانزاكان و ڤیتامینەكان و ماددەی بیتا كاروتین و خاوەنی برێكی زۆر ماددەی خۆراكیە، بەسوودە بۆ كێش دابەزاندن و یارمەتیدەرە بۆ باشتركردنی تەندروستی چاو و بەرگری لەش.
سپێناخ: ئەم خۆراكە زیاتر لە 10 پێكهاتەی جۆراوجۆری بەسوودی تێدایە وەك پێكهاتەی فلاڤونویدی دژە ئۆكسان كەوەك دژە هەوكردن وایە و یارمەتیدەرە بۆ پتەوكردنی بەرگری لەش و هەروەها دەوڵەمەندە بە ڤیتامین و كانزاكان.
ئا: كارزان عەبدوڵا
سەرچاوە/ سكای نیوز
ڕاگەیاندنی تەندروستی سلێمانی
ئه‌م بابه‌ته 1368
جار خوێنراوه‌ته‌وه
AM:10:51:26/11/2019