چالاكیەكی تەندروستی لەرۆژی جیهانی شەكرە ئەنجام درا
تایبەت " تەندروستی "
مەڵبەندی تەندروستی سەروەری لەڕۆژی جیهانی شەكرە لەناو بەڕێوەبەرایەتی پاسپۆرتی سلێمانی و بەئامادەبوونی بەڕێوەبەر و ئەفسەران و كارمەندانی بەڕێوەبەرایەتیەكە سیمینارێكی لەژێر ناوی (نەخۆشی شەكرە جێی بایەخپێدانی هەموو خێزانێك) ئەنجام دا.
لەو سیمینارەدا لەلایەن دێرین ئەحمەد بەڕێوەبەری كارگێڕی مەڵبەندی تەندروستی سەروەری بابەتێكی لەسەرنەخۆشی شەكرە و هۆكارەكانی و چۆنێتی خۆپارێزی و چارەسەر پێشكەش بەئامادەبووان كرا، دواتر لەلایەن تیمەكانی تەندروستیەوە پشكنین بۆ بەڕێوەبەر و ئەفسەر و كارمەندانی بەڕێوەبەرایەتیەكە ئەنجام درا.
لەكۆتایی ئەو چالاكیە تەندروستیەدا بەڕێوەبەری پاسپۆرتی سلێمانی سوپاس و پێزانینی ئاراستەی بەڕێوەبەرایەتی گشتی تەندروستی سلێمانی كرد بۆ ئەو خزمەتەی پێشكەشی بەهاوڵاتیانی دەكەن بەتایبەتی بۆ ئەو سیمینارەی لەڕۆژی جیهانی نەخۆشی شەكرە لەناو بەڕێوەبەرایەتی پاسپۆرت پێشكەشیان كرد.
ئا: ئەنوەر حەمە غەریب - مەریوان جەمال
ڕاگەیاندنی تەندروستی سلێمانی
ئه‌م بابه‌ته 677
جار خوێنراوه‌ته‌وه
AM:11:21:14/11/2019