تیمێكی ئیسپانی ژمارەیەك نەشتەرگەری لەسلێمانی ئەنجام دەدەن
تایبەت " تەندروستی"
تیمێكی پزیشكی ئیسپانی یۆرۆلۆجی لەسەربانگهێشتی بەڕێوەبەرایەتی گشتی تەندروستی سلێمانی و بەهەماهەنگی نوێنەری حكومەتی هەرێم لەئیسپانیا گەیشتنە شاری سلێمانی و بریارە لەنەخۆشخانەی شار چەندین نەشتەرگەری گەورە بۆ نەخۆشیەكانی گورچیلە و میزەڕۆ و پرۆستات ئەنجام بدەن.
د.گۆران فریاد لێپرسراوی بەشی یۆرۆلۆجی نەخۆشخانەی شار لەلێدوانێكدا بەسایتی " تەندروستی" ڕاگەیاند: دەستپێكی كاری تیمە ئیسپانیەكە ئەنجامدانی وۆركشۆپێكە بۆ وتنەوەی چەندین وانە و نەشتەرگەری سەروو گەورە كە لەشاری سلێمانی ئەنجامی دەدەن، نەشتەرگەریەكان زۆر گەورەن و كات وتێچووی زۆری پێویستە و زۆربەی ئەو نەخۆشخانەی نەشتەرگەریان بۆدەكرێت پێویستیان بەچوونەدەرەوەی وڵات هەبوو.
دكتۆر گۆران فریاد وتیشی: ئامانجی تیمەكە لەهاتنیان بۆشاری سلێمانی بۆچەند مەبەستێكە ئەوانیش ناردنە دەرەوەی خوێندكارانی كورد بۆ ئیسپانیا و ئەنجامدانی ڕاهێنانی پزیشكی وپێدانی بڕوانامەی زانستی بەبەشداربووان و دانپێدانان بەبڕوانامە و توانستە زانستیەكانی هەرێمی كوردستان.
ڕاگەیاندنی تەندروستی سلێمانی
ئهم بابهته 1632
جار خوێنراوهتهوه
PM:12:52:15/05/2019