تەندروستی جیهانی: ڤاكسینی ئەنفلۆنزا بەرگری لەش زیاد دەكات


تایبەت " تەندروستی "


لەگەڵ نزیكبوونەوەی وەرزی بڵاوبوونەوەی ئەنفلۆنزای وەرزی، ڕێكخراوی تەندروستی جیهانی لەڕاگەیاندراوێكدا چەند ڕێنماییەكی لەبارەی ڤاكسینی ئەنفلۆنزا بڵاوكردەوە و ئاماژەی بەوەكرد ئەو ڤاكسینە نابێتە هۆی كەمبوونەوەی بەرگری لەش.

ئەوەخراوەتەڕوو ئامانجی ئەو ڤاكسینە ڕاهێنانە بەسیستمی بەرگری لەش لەبارەی چۆنیەتی وەڵامدانەوەی هەر نەخۆشیەك لەئایندە و كاریگەری لەسەر بەرگری لەش دروست ناكات دژی نەخۆشیەكانی تر و بەپێچەوانەوە توانای بەرگری زیاد دەكات.

ڕێكخراوی تەندروستی جیهانی بڵاویكردۆتەوە ئەنفلۆنزا و ڤایرۆسی كۆرۆنا دوو شتی جیاوازن، بەڵام هەردوو نەخۆشیەكە كۆئەندامی هەناسەدان دەگرنەوە و پێدەچێت هەردووكیان كاریگەی توند لەسەر كەسی تووشبوو دروست بكات ، بۆیە وەرگرتنی ڤاكسینی ئەنفلۆنزا كاریگەری لەسەر كەسی توشبوو بەكۆرۆنا كەمدەكاتەوە.

تەندروستی جیهانی ئەوەی ڕاگەیاندووە باشترە كارمەندانی بواری تەندروستی و بەساڵاچووان و ئەو توێژانەی مەترسیان لەسەرە ڤاكسینی ئەنفلۆنزا وەربگرن.


ئا: كارزان عەبدوڵا
سەرچاوە/ العربية.نت
ڕاگەیاندنی تەندروستی سلێمانی

AM:11:15:26/10/2020

ئه‌م بابه‌ته 946 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.