نەمانی هەستی بۆنكردن و تامكردن دیارترین نیشانەی كۆرۆنایە



تایبەت " تەندروستی"

لەلێكۆڵینەوەیەكی نوێ لەوڵاتی بەریتانیا زانایانی زانكۆی لەندەن كۆلیژ بۆیان دەركەوت لەدەستدانی هەستی بۆنكردن و تامكردن دیارترین نیشانەیە لەسەر تووشبوونی كەسەكان بەڤایرۆسی كۆرۆنا.


بەپێی لێكۆڵینەوەكە دەركەوتووە لە 78%ی ئەو كەسانەی ڕایانگەیاندووە هەستی بۆنكردن و تامكردنیان لەدەستداوە ئەنجامی پشكنینەكانیان ئەرێنی بووە و تووشی ڤایرۆسی كۆرۆنا بوون و لە 40% یان هیچ نیشانەیەكی كۆكەیان نەبووە.

لێكۆڵینەوەكە ئاماژەی بەپێویستی ئەوە كردووە كە لەدەستدانی هەستی بۆنكردن و تامكردن بكرێتە دیارترین نیشانەی تووشبوون بەڤایرۆسی كۆرۆناو لەكاتی دەركەوتنی ئەو نیشانانە لەهەر كەسێك دەست بەجێ جیاكرێتەوە و داببڕێنرێت.

ڕاشیل باترهام سەرپەرشتیاری لێكۆڵینەوەكە بڵاویكردەوە لەكاتێكدا نزیك دەبنەوە لەشەپۆلی دووەمی بڵاوبوونەوەی ڤایرۆسی كۆرۆنا، ناسینی پێشوەختەی نیشانەكانی تووشبوون لای خەڵكی زۆر گرنگ دەبێت بۆ دانانی سنوورێك بۆ بڵاوبوونەوەی ئەو ڤایرۆسە.

ئا: كارزان عەبدوڵا
سەرچاوە/ سكای نیوز
ڕاگەیاندنی تەندروستی سلێمانی

PM:12:26:05/10/2020

ئه‌م بابه‌ته 726 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.