لێكۆڵینەوەیەك : كۆرۆنا بریتیە لەیەكگرتنی چەند ڤایرۆسێك


تایبەت " تەندروستی "

دوای بڵاوبوونەوەی ڤایرۆسی كۆرۆنا لەسەرتاسەری جیهان، زانایان و پسپۆڕان هەموو هەوڵێكیان چڕكردۆتەوە بۆ لێكۆڵینەوە لەو ڤایرۆسە بۆ ئاشكراكردنی نهێنیەكانی و بنبڕكردنی كە تائێستا بەهۆی ئەو ڤایرۆسەوە سەدان هەزار كەس گیانیان لەدەستداوە.

تیمێكی زانایانی پەیمانگای فرانسیس كریك لەبەریتانیا لێكۆڵینەوەیەكی نوێیان لەبارەی ڤایرۆسی كۆرۆنا ئەنجامدا لەپێناو باشتر تێگەیشتن لەچۆنیەتی پەرەسەندنی ئەو ڤایرۆسە و هۆكاری بڵاوبوونەوەی بەئاسانی بەجیهاندا و ئاماژەیان بەوەكرد لەو بڕوایەدان ڤایرۆسی كۆرۆنا بەهۆی یەكگرتنی چەند ڤایرۆسێكەوە بووبێت و دواتر گۆڕاوە بۆ یەك ڤایرۆس.

ئەو تیمە بەریتانیە گەیشتنە ئەو ئەنجامەی ڤایرۆسی كۆرۆنا هاوشێوەی ڤایرۆسەكانی دیكە پرۆتینی هەیە كەیارمەتی دەدات بچێتە نێو خانەكانی مرۆڤەوە و ڤایرۆسی كۆرۆنا زۆر نزیكە لەڤایرۆسی كۆرۆنای شەمشەمەكوێرە و رێژەی لێكچوونی ئەو دوو ڤایرۆسە لەسەدا نەوەد و حەوتە.

زانایانی بەریتانیا بۆیان دەركەوت پرۆتینی ڤایرۆسی كۆرۆنا زیاتر سەقامگیرە بەراورد بەڤایرۆسی شەمشەكوێرە و ئەوەش وادەكات توانای لكاندنی بەخانەكانی مرۆڤەوە نزیكەی هەزار جار زیاتر بێت لەتوانای لكاندنی ڤایرۆسی شەمشەكوێرە.

ئا: كارزان عەبدوڵا
سەرچاوە/ العربية
ڕاگەیاندنی تەندروستی سلێمانی

AM:10:53:13/07/2020

ئه‌م بابه‌ته 479 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.