چاودێری سەنتەر و نەخۆشخانە ئەهلیەكان چڕتردەكرێتەوە
تایبەت " تەندروستی "
وەفدێكی وەزارەتی تەندروستی هەرێم كەپێكهاتبوون لەئازاد هادی بەڕێوەبەری پشكنین و دڵنیایی جۆری و وەفدی یاوەری سەردانی بەڕێوەبەرایەتی گشتی تەندروستی سلێمانی یان كرد و لەگەڵ د.سەفین ڕەسوڵ بەرێوبەری بەشی پلان و بەدواداچوون و بەرپرسانی دیكەی تەندروستی سلێمانی كۆبونەوە.
لەكۆبونەوەكەدا هەردوولا تەكیدیان لەهەماهەنگی زیاتری نێوانیان كردەوە پەیوەست بەڕێكخستنەوە و مۆڵەتدان بەكردنەوەی سەنتەر و نەخۆشخانەی ئەهلی لەشار و شارۆچكەكان و چۆنێتی چاودێری كردنیان هەر لە لەناوبردنی پاشماوە پزیشكیەكان تا كوالێتی زانستی و خزمەتگوزاریەكانیان.
وەفدەكەی وەزارەتی تەندروستی بەئامادەبوونی بەرێوبەری بەشی پلان و بەدواداچوون لەگەڵ لیژنەكانی بەدواداچوون لەناوشاری سلێمانی و دەوروبەری كۆبونەوە و داواكرا پێویستە لەجاران باشتر لیژنەكان چاودێری نەخۆشخانە و سەنتەرە ئەهلیەكان بكەن بەجۆرێك خزمەت بەبەرژەوەندی گشتی بكات.
ئا: ئەنوەرحەمەغەریب - هەرێم بابەعەلی
ڕاگەیاندنی تەندروستی سلێمانی
ئه‌م بابه‌ته 587
جار خوێنراوه‌ته‌وه
PM:03:01:29/08/2019