كاركردنی زۆر زیانی بۆ تەندروستی هەیە

تایبەت " تەندروستی "

بەپێی لێكۆڵینەوەیەكی نوێ كە لەرۆژنامەی ئەندیپێندنتی بەریتانی بڵاوكراوەتەوە دەركەوتووە كاركردن بۆ ماوەی 10 كاتژمێر لەرۆژێكدا تەنانەت یەكجار لەهەفتەیەكدا دەبێتە هۆی زیان گەیاندن بە تەندروستی مرۆڤ و زیادبوونی مەترسی تووشبوون بە جەڵتەی مێشك و جەڵتەی دڵ بەرێژەی یەك لەسەر سێ.

بەپێی ئەو لێكۆڵینەوە نوێیە كەلەلایەن ژمارەیەك زانای فەرەنسی ئەنجام دراوە ئەو كەسانەی رۆژانە 10 كاتژمێر كاردەكەن بەبەردەوامی مەترسی تووشبوونیان بەجەڵتەی مێشك و دڵ لە 30% زیاد دەكات بەراورد بەو كەسانەی كاتژمێری كەمتر كاردەكەن.

زانایای فەرەنسی لێكۆڵینەوەیان كرد لەسەر كاریگەری كاتژمێرەكانی كاركردن لەسەر تەندروستی دڵ و دەمارەكان و رێنوێنیان دا كە رۆژانە لەهەشت كاتژمێر كارنەكرێت لەپێناو پاراستنی تەندروستی.

بەپێی ئەنجامی ئەو لێكۆڵینەوەیە ئەو كەسانەی زیاتر لە 10 كاتژمێر كاردەكەن بۆ ماوەی زیاتر لە 10 ساڵ ئەوا ئەگەری تووشبوونیان بەجەڵتەی دڵ و مێشك لە45% زیاترە.

ئا: كارزان عەبدوڵا
ڕاگەیاندنی تەندروستی سلێمانی

AM:10:58:01/07/2019

ئه‌م بابه‌ته 397 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.