د.لوقمان: پشكنینی پێش هاوسەرگیری هۆكاری بنبڕكردنی تالاسیمایە


تایبەت " تەندروستی "


نه‌خۆشی تالاسیما یه‌كێكه‌ له‌ نه‌خۆشیه‌ بۆماوه‌ییه‌كانى خوێن كه‌ كه‌سی تووشبوو له‌سه‌ره‌تاى منداڵییه‌وه‌ تواناى دروست بوونى هیمۆگڵۆبینى خوێنى نامێنێت به‌شێوه‌یه‌كى ئاسایی و ده‌بێت له‌كه‌سێكى دیكه‌وه‌ هیمۆگڵۆبینی خوێن وه‌رگرێت كه‌هه‌ڵگری نه‌خۆشی تالاسیما نه‌بێت.

د.لوقمان خالید پزیشكى پسپۆڕى نه‌خۆشییه‌كانى خوێن بۆ سایتى " تەندروستی " ڕایگه‌یاند: له‌دواى ته‌مه‌نى شه‌ش مانگیه‌وه‌ نیشانه‌كانى نه‌خۆشیه‌كه‌ دەردەكەوێت به‌شێوه‌یه‌ك منداڵه‌كه‌ ڕه‌نگى ده‌مووچاو و خه‌و و خۆراكى ده‌گۆڕێت و گریانى زۆر ده‌بێت دواجار پێویسته‌ سه‌ردانى پزیشكى پسپۆڕى منداڵان بكرێت بۆ دڵنیابوون له‌تووش بوون یان تووش نه‌بوونى به‌ نه‌خۆشی تالاسیما دواى پشكنینی منداڵ و دایك و باوكى ئه‌و نیشانانه‌ ده‌ریده‌خه‌ن كه‌ هه‌ڵگری نه‌خۆشییه‌كه‌یه‌.

ئه‌و پسپۆڕه‌ى خوێن ووتیشى تالاسیما كاتێك دروست ده‌بێت هه‌ردوو ڕه‌گه‌ز هه‌ڵگرى بۆماوه‌یی نه‌خۆشییه‌كه‌بن كاتێك هاوسه‌رگیرى ده‌كه‌ن.

ڕاگەیاندنی تەندروستی سلێمانی





AM:11:16:09/05/2019

ئه‌م بابه‌ته 206 جار خوێنراوه‌ته‌وه‌‌
زیاتر ...
Copyright 2015. dohsuli.com . All Rights Reserved.