تیمێكی ئەمریكی ژمارەیەك نەشتەرگەری ئەنجام دەدەن
تایبەت " تەندروستی "
لەنەخۆشخانەی شار لە سلێمانی تیمێكی پزیشكی ئەمریكی بەشێوەیەكی سەركەوتوو ژمارەیەك نەشتەرگەری دڵی بۆ ئەو منداڵانە ئەنجام دا كە نەخۆشی دڵیان هەبوو.
ئەو تیمە لەرێگەی بەرێوبەرایەتی گشتی تەندروستی سلێمانی و بەهاوكاری رێكخراوی منداڵپارێزی كوردستان هاتوونەتە شاری سلێمانی و لەماوەی چوار رۆژدا پشكنینیان بۆ زیاتر لە 70 منداڵ كردووە و هەروەها 15 نەشتەرگەری قەستەرەی دڵیان بۆ منداڵان ئەنجام داوە.
لە لێدوانێكدا بۆ كەناڵەكانی ڕاگەیاندن د.ئومێد علی بەڕێوبەری نەخۆشخانەی شار ڕایگەیاند: ئەو تیمە بیانیە پێكهاتوون لە 8 كەس وهەروەها 15 پزیشك و كارمەندی نەخۆشخانەی شار بەشداربوون لەئەنجامدانی 15 نەشتەرگەری دڵ بۆ منداڵان بەبێ بەرامبەر.
وتیشی: سەرجەم نەشتەرگەریەكان سەركەوتوو بوون و نەخۆشەكان سودیان لێ بینیوە و ئەم تیمە ئەمە دوایەمین كاریان نابێت و سەردانەكانیان بەردەوام دەبێت.
ڕاگەیاندنی تەندروستی سلێمانی
ئه‌م بابه‌ته 1942
جار خوێنراوه‌ته‌وه
PM:10:02:24/01/2019