د.هونه‌رمحمد: هه‌ڵگه‌ڕانه‌وه‌ى زمان پێویستى به‌چاره‌سه‌رى هه‌نوكه‌یى هه‌یه‌

‌

تایبەت " تەندروستی"

هه‌ڵگه‌ڕانه‌وه‌ى زمان یه‌كێكه‌ له‌ حاڵه‌ته‌كتوپڕه‌كان له‌نه‌خۆشیى زمان  كه‌دووچارى مرۆڤه‌كان ده‌بێت، زۆرجار ده‌بێته‌هۆى مه‌ترسی گیان له‌ده‌ستدان.

ئه‌وكاته‌ی كه‌سه‌كه‌ دووچارى هه‌ڵگه‌ڕانه‌وه‌ى زمان ده‌بێت  تواناى چاره‌سه‌ری  وه‌ك پێویست نابێت ،له‌باره‌ى حاڵه‌ت و هۆكاره‌كانی مه‌ترسیىه‌كانیه‌وه‌  د. هونه‌ر محمد ئه‌مین پسپۆڕى نه‌خۆشیه‌كانى قوڕگ وگوێ و لوت وتى : هه‌ڵگه‌ڕانه‌وه‌ى زمان بریتییه‌ له‌گیرانى بۆرى هه‌ناسه‌ به‌هۆى گه‌ڕانه‌وه‌ى زمان له‌كاتى حاڵه‌تى  بێ هۆشیدا، وه‌كو پێكانى  كه‌لله‌ى سه‌ر  له‌كاتى وه‌رزش یان ڕوداو یاخود كاتى له‌خۆچوون و بێ هۆش بوون  به‌هۆى نه‌خۆشى دڵ و خوێنبه‌ره‌كان و دابه‌زینێكى كتوپڕ و زۆرى ئاستى شه‌كر  له‌خوێندا.

ئەو پزیشكه‌ پێی وایه‌ له‌ كاتى بێهۆش بوون یان له‌خۆچوون  هه‌موو له‌ش خاو ده‌بێته‌وه‌ به‌چه‌ناگه‌و زمانیشه‌وه‌ ،پشتى زمان ئه‌گه‌ڕێته‌ دواوه‌و ده‌رچه‌ى هه‌وا ده‌گرێت  له‌ناو قوڕگ و حاڵه‌تێكى كتوپڕیه‌  كه‌پێویستى به‌چاره‌سه‌رى هه‌نوكه‌یى هه‌یه‌ روو ده‌دات .

له‌باره‌ى جۆروچۆنێتى چاره‌سه‌ركردنى هه‌ڵگه‌ڕانه‌وه‌ى زمانیشه‌وه‌ د. هونه‌ر  پێیوایه‌: ئه‌وه‌یه‌ كه‌یه‌كسه‌ر چه‌ناگه‌و ده‌مى  كه‌سى توشبوو به‌رزبكرێته‌وه‌ بۆپێشه‌وه‌، كه‌ئه‌وه‌ یارمه‌تى  كردنه‌وه‌ى  بۆرى هه‌ناسه‌ ده‌دات ،باشتره‌ ئه‌گه‌ر تیوبێكى  تایبه‌ت له‌ناوده‌مى  كه‌سه‌كه‌ دابنرێت  كه‌ئه‌وه‌ زیاتر له‌نه‌خۆشخانه‌ به‌رده‌سته‌ و به‌كار ده‌هێنرێت .

چاره‌سه‌رێكى دیكه‌ى خێرا ئه‌وه‌یه‌: كه‌ئه‌وكه‌سه‌ بخرێته‌ سه‌رلاو كه‌مێك سه‌رى بگه‌ڕێنرێته‌وه‌ بۆدواوه‌و  ناوده‌مى جوان پاكبكرێته‌وه‌ .
ئه‌م چاره‌سه‌ره‌ سه‌ره‌تاییانه‌  زۆرگرنگن وله‌وانه‌یه‌ به‌هۆیه‌وه‌ ژیانى ئه‌و كه‌سه‌ ڕزگاربكرێت، پاش چاره‌سه‌ره‌ سه‌ره‌تاییه‌كان زۆر گرنگه‌  ئه‌وكه‌سه‌ چاره‌سه‌رى  ئه‌وحاڵه‌ته‌  وه‌ربگرێت  كه‌بوه‌ته‌هۆى  له‌خۆچوون  له‌لایه‌ن تیمى پزیشكى پسپۆڕه‌وه‌.

ئا: ئه‌نوه‌رحمه‌غه‌ریب
راگه‌یاندنی ته‌ندروستی سلێمانی