ئاگاداری بۆ سەرجەم كۆگاو كۆمپانیاكانی پێداویستی پزیشكی
تایبەت " تەندروستی"
بەڕێوەبەرایەتی تەندروستی سلێمانی بۆ جاری دووەم بانگهێشتی سەرجەم كۆگا و كۆمپانیاكانی پێداویستی پزیشكی دەكات بۆ بەشداری كردن لەكەمگری سنووردار بۆ دابینكردنی پێداویستی پزیشكی كە هێشتا كاری تەندەرینی بۆ نەكراوە بۆ سەرجەم نەخۆشخانە و مەڵبەند و سەنتەر و بنكەكانی سەربە بەڕێوەبەرایەتی گشتی تەندروستی سلێمانی بەپێی تەندەر و دەرخستەی هاوپێچ كەتێیدا سەرجەم داواكارییەكان و مەرجە تایبەتیەكان دیاریكراوە.
بۆ بەشداریكردن تكایە سەردانی بەشی گرێبەستەكان لەدیوانی بەڕێوەبەرایەتی بكەن بۆ وەرگرتنی تەندەر و سەرجەم زانیاریەكان لەگەڵ ڕەچاوكردنی ئەم خاڵانە:
- پێویستە لەسەر كۆمپانیا لەكاتی بەشداری نەكردن لەپرۆسەكەدا پێش ڕۆژی كردنەوە كەدیاریكراوە نووسراوی لێبوردن (اعتزار) پێشكەشی لیژنەی كردنەوە بكات بەپێچەوانەوە لەداهاتوودا بەشداری پێ ناكرێت.
- دەبێت سەرجەم تەندەرەكان بەداخراوی و بەمۆری كۆمپانیاوە بگەڕێندرێتەوە و ڕادەستی لیژنە بكرێت لە هۆڵی كۆبونەوە لەدیوانی بەڕێوەبەرایەتی تەندروستی.
هەركۆمپانیایەك پێشتر ئەم بەراییانەی نەهێنابێت پێویستە لەگەڵ گەڕاندنەوەی تەندەردا ئامادەی بكات:
- (C.V) تەواوی كۆمپانیا.
- بەڵگەنامەی (K.M.C.A).
- كاری پێشینەی كۆمپانیا.
- لیستی ناوی ئەو پێداویستیانەی دەتوانێت دابینی بكات.
- ئەستۆپاكی باجی دەرامەتی كۆمپانیاكان.
- پێویستە كۆمپانیا تۆماربێت لەوەزارەتی بازرگانی و تەندروستی حكومەتی هەرێم و بەڕێوەبەرایەتی تۆماری كۆمپانیاكان.
- پێویستە كۆمپانیا لقی سەرەكی یان نووسینگەیەكی باوەڕپێكراوی لەشاری سلێمانی هەبێت.
- بۆ بڕیاردان و ئیحالەكردن چانسی زیاتر بۆ ئەو كۆمپانیانە دەبێت كەڕەسەنن یان بریكاری سەرەكین.
- پێویستە كۆمپانیا گەنجینەیەكی تایبەتی هەبێت بەمەبەستی سەردانی كردن لەلایەن لیژنەكانەوە لەكاتی پێویستدا.
- بەڕێوەبەرایەتیمان پابەندە بەباشترین كوالێتی و نرخی گونجاو.
ئه‌م بابه‌ته 1106
جار خوێنراوه‌ته‌وه
PM:01:20:16/12/2018