ئامێری ئەلیكترۆنی گۆڕانكاریی لەمێشكی منداڵ دەكات
تایبەت " تەندروستی"
بەپێی ئەنجامی سەرەتایی لێكۆڵینەوەیەكی فراوان دەركەوتووە ئەو منداڵانەی ماوەیەكی زۆر لەبەردەم شاشە ئەلیكترۆنیەكان بەسەردەبەن و ئالوودە بوون بۆ بەكارهێنانی ئامێرە ئەلیكترۆنیەكان گۆڕانكاریی لەمێشك یان روودەدات.
پەیمانگای نیشتمانی ئەمریكی بۆ تەندروستی لێكۆڵینەوەیەكی كردووە لەسەر مێشكی 4500 منداڵ كەتەمەنیان لەنێوان 9 و 10 ساڵ بووە بەمەبەستی زانینی كاریگەری یارییە ئەلیكترۆنیەكان و ئەو ماوەیەی لەسەر تۆڕی ئینتەرنێت بەسەری دەبەن، لەسەر گەشەكردنیان.
بەپێی ئەنجامی سەرەتایی لێكۆڵینەوەكە دەركەوتووە مێشكی ئەو منداڵانەی ئالوودەی بەكارهێنانی ئامێری ئەلیكترۆنی بوون رۆژانە بۆماوەی زیاتر لە 7 كاتژمێر ئاراستەیەكی جیاواز نیشان دەدات و توێژاڵی دەرەكی مێشكیان تەنكترە كە ئەو توێژاڵە دەرەكیە زانیاری هەستەكان بۆ مێشك دەگوازێتەوە.
ئا: كارزان عەبدوڵا
ڕاگەیاندنی تەندروستی سلێمانی
ئه‌م بابه‌ته 1146
جار خوێنراوه‌ته‌وه
AM:11:22:11/12/2018