نیشانەكانی كەمبوونەوەی ئاو لە جەستەدا

" تەندروستی"


لەگەڵ هاتنی وەزری گەرما و هاوین و بەرزبوونەوەی پلەكانی گەرما ، مرۆڤ بەرگەی ئەو گەرمیە ناگرێت و هێشتنەوەی جەستە بەشێداری كارێكی زۆر پێویستە ، چونكە هەموو رۆژێك مرۆڤ بڕێك ئاو لەجەستەی لەدەست دەدات لەرێگەی ئارەقكردنەوە و هەناسەدان.

ئەگەر هەستت بەم نیشانانە كرد ئەوا بزانە رووبەڕووی كەمبوونەوەی ئاو لەجەستەدا بوویتەتەوە:

* كەمی میزكردن و گۆڕانی رەنگی میز و تۆخبوونەوەی زیاتر لە ئاسایی.
* تینویەتی لەرادەبەدەر و ووشكبوونەوەی ناودەم.
* هەستكردن بە هیلاكی و خاووبوونەوە.
* هەستكردن بە گێژبوون و شڵەژان.


چەند ئامۆژگارییەك بۆ چارەسەركردنی كێشەی كەمبوونەوەی ئاو لەجەستە:

* هەڵگرتنی دەبەیك ئاو بەدرێژایی رۆژ كە قاشێك لیمۆی تێدا بێت.
* خواردنەوەی كوپێك ئاو لەكاتی لەخەوهەستان و پێش خەوتن.
* خواردنەوەی ئاو پێش وەرزشكردن و لەدوای راهێنانی وەرزشی. 
* خواردنی ئەو میوە و سەوزەواتانەی دەوڵەمەندن بەئاو بەتایبەت لیمۆ و پرتەقاڵ و شووتی و كاهوو و تەماتە.

ڕاگەیاندنی تەندروستی سلێمانی

AM:11:55:24/07/2017

ئه‌م بابه‌ته 1658 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.