سوپاس و پێزانینی وەزارەت بەخشرایە پزیشك و كارمەندانی تەندروستی سلێمانی
" تەندروستی"
وەفدێكی وەزارەتی تەندروستی حكومەتی هەرێمی كوردستان كەپێكهاتبوون لە د.سامان بەرزنجی وەزیری تەندروستی و د.ڕەهێڵ فەرەیدوون بریكاری وەزارەتی تەندروستی و د.كاوە خەلیل بەڕێوبەری گشتی كاروباری هونەر لەوەزارەتی تەندروستی بەیاوەری د.سەباح نەسرەدین بەڕێوەبەری گشتی تەندروستی سلێمانی و جێگرو یاریدەدەرانی بەڕێوەبەری گشتی سەردانی نەخۆشخانەی شار و سەنتەری فریاكەوتنی خێرای تەندروستیان كرد و لەگەڵ بەشێك لەبەڕێوبەرو بەڕێوبەری كارگێڕی ئەو بەڕێوەبەرایەتی و نەخۆشخانەو سەنتەرانە كۆبونەوە كەلەڕوداوەكەی گەڕەكی كازیوە لەشاری سلێمانی لەحاڵەتی ئامادەباشیدابوون و توانیان لەكەمترین كاتدا چارەسەری پزیشكی و خزمەتگوزاری تەندروستی پێشكەش بكەن.
سوپاس و پێزانینی تایبەتی وەزارەتی تەندروستی پێشكەشی سەرجەم ئەو پزیشك و كارمەندانە كرا لەپای ئەرك و ماندووبونیان كەهەمیشە وەك سەربازی وون لەپێشەوەی ڕوداوەكاندان بۆ ڕزگاركردنی ژیانی هاوڵاتیان.
ڕاگەیاندنی تەندروستی سلێمانی
ئهم بابهته 164
جار خوێنراوهتهوه
PM:07:31:24/11/2022