ئاگاداری بۆ سەرجەم كۆمپانیاكانی بواری بیناسازی
" تەندروستی"
بەرێوبەرایەتی گشتی تەندروستی سلێمانی ئاگاداری سەرجەم كۆمپانیاكانی بواری بیناسازی دەكاتەوە لەماوەی 7 رۆژ لەرێكەوتنی بڵاوبوونەوەی ئەم بانگەوازە سیڤی تایبەت بەكۆمپانیاكانیان پێشكەشی هۆبەی گرێبەستە گشتیەكانی بەرێوبەرایەتیمان بكەن بەمەبەستی بەشداری كردنیان لەتەندەری پرۆژەی دانانی سیستمی هەوای پزیشكی و داتابەیس و چاكردنەوەی پاكێج و بەرزكەرەوە و موەلیدە لەنەخۆشخانەی گشتی پێنجوێن كەبەشێوەی كەمگری سنوردار ئەنجام دەدرێت.
پێویستە سیڤیەكان ئەم نووسراو و زانیارییانەی لای خوارەوەی تێدا بێت و نوێ بن و بەسەرنەچووبن:
1- نووسراوی پشتگیری بەرێوبەرایەتی تۆماری كۆمپانیاكان.
2- نووسراوی پشتگیری باجی دەرامەتی كۆمپانیاكان.
3- تایبەتمەندێتی ( پێویستە كۆمپانیا تایبەتمەند بێت لەبواری بیناسازی).
تێبینی/
* پێویستە ئەو كۆمپانیایەی كارەكەی بۆ ئەسپاردە دەكرێت ئەندازیاری تایبەتمەندی هەبێت لەهەریەك لەبوارەكانی كارەبا و میكانیك و ئایتی.
* پێویستیەكان لەزەرفێكی داخراودا پێشكەش بكرێ و مۆری كۆمپانیای لەسەر بێت.
ڕاگەیاندنی تەندروستی سلێمانی
ئه‌م بابه‌ته 752
جار خوێنراوه‌ته‌وه
PM:12:47:30/08/2022