دوای بڵاوبوونەوەی ڤایرۆسی كۆرۆنا لەسەرتاسەری جیهان ژمارەی تووشبووانی ئەو ڤایرۆسە 29 ملیۆن تووشبووی تێپەڕاندووە، بەڵام  ژمارەی ئەو كەسانەی چاكبوونەتەوە و ڤایرۆسەكەیان تێپەڕاندووە هیوا بەخشە و زیاتر لەدوو لەسەر سێی تووشبووان چاكبوونەتەوە.

بەپێی ئامارە ڕەسمیەكان ژمارەی ئەو كەسانەی تووشی ڤایرۆسی كۆرۆنا بوون و چاكبوونەتەوە و نەخۆشیەكەیان تێپەڕاندووە گەیشتۆتە 21 ملیۆن و 480 هەزار كەس لەسەرتاسەری جیهان.

لەئەمریكا دوو لەسەر سێی تووشبووانی ڤایرۆسی كۆرۆنا چاكبوونەتەوە و لەكۆی 6 ملیۆن و  788 هەزار تووشبوو لەو وڵاتە زیاتر لەچوار ملیۆن و 68 هەزار كەس چاكبوونەتەوە و هاوكات لەهندستان لەكۆی پێنج ملیۆن تووشبوو لەو وڵاتە نزیكەی چوار ملیۆن تووشبوو چاكبوونەتەوە.

ئا: كارزان عەبدوڵا