تەندروستی جیهانی: كۆرۆنا لەڕۆژهەڵاتی ناوەڕاست جێی نیگەرانیە

تایبەت " تەندروستی "

ڕێكخراوی تەندروستی جیهانی بڵاویكردەوە دۆخی ڤایرۆسی كۆرۆنا لەرۆژهەڵاتی ناوەڕاست جێی نیگەرانیەكی زۆرە بەهۆی زیادبوونی ژمارەی تووشبووان ڕۆژ لەدوای ڕۆژ.

د.ئەحمەد منزری بەرێوبەری ڕێكخراوی تەندروستی جیهانی لەرۆژهەڵاتی ناوەڕاست ڕایگەیاند: زیادبوونی ژمارەی تووشبووانی ڤایرۆسی كۆرۆنا لەهەندێك وڵاتی وەك عیراق و ئیمارات و وڵاتانی تر جێی نیگەرانیەكی زۆرە و ئەوە دەردەخات دۆخەكە پێویستی بەگرتنەبەری ڕێوشوێنی توندتر هەیە.

وتیشی: بەرزبوونەوەی كتوپڕی ژمارەی تووشبووانی كۆرۆنا كارێكی پێشبینی كراوە بەهۆی ئەوەی وڵاتان دەستیانكرد بەكەمكردنەوەی كۆت و بەند و ڕێكارەكان لەدوای چەند مانگێك لەسەپاندنی قەدەغەكردنی هاتوچۆ.

ئەو لێپرسراوەی رێكخراوی تەندروستی جیهانی تەئكیدی كردەوە لەپێویستی گرتنەبەری رێوشوێنی توند وەك بەستنی دەمامك و پاراستنی دوورەپەرێزی و جێبەجێكردنی بنەماكانی پاكوخاوێنی بۆ دانانی سنوورێك بۆ بڵاوبوونەوەی ڤایرۆسی كۆرۆنا، چونكە تائێستا بەملیۆنەها هاوڵاتی تر لەمەترسیدان.

ئا: كارزان عەبدوڵا
ڕاگەیاندنی تەندروستی سلێمانی

AM:11:33:16/09/2020

ئه‌م بابه‌ته 19 جار خوێنراوه‌ته‌وه‌‌
زیاتر ...
Copyright 2019. tendrwsti.com . All Rights Reserved.