سیمینارێك بۆ بنبڕكرنی نەخۆشی سالاسیمیا رێكخرا
تایبەت " تەندروستی "
لەهۆڵی لقی سلێمانی سەندیكای كارمەندانی تەندروستی بەئامادەبوونی بەڕێوبەری بەشی پلانی بەڕێوەبەرایەتی گشتی تەندروستی سلێمانی و لێپرسراوانی سەنتەری سالاسیمیا و نوێنەرانی یەكێتی زانایانی ئاینی و ئەوقاف و دادگا و بە بەشداری ژمارەیەك لەووتارخوێن و مامۆستایانی ئاینی لەسلێمانی و دەوروبەری سیمینارێكی زانستی لەسەر نەخۆشی سالاسیمیا و هۆكار و چارەسەرەكان ڕێكخرا.
د.سەفین ڕەسول بەڕێوبەری بەشی پلان و بەدواداچوونی بەڕەێوبەرایەتی گشتی تەندروستی سلێمانی لەوتەیەكیدا ڕایگەیاند: داوایان لەوەزارەتی تەندروستی حكومەمەتی هەرێم و ناوەند كردووە لە هەرێمی كوردستان تاقیگەی تایبەت بە پشكنینی نەخۆشانی سالاسیمیا بكرێتەوە وەك كارئاسانی بۆ نەخۆشان و كەسوكاری سالاسیمیا لە قەزاو ناحیەكان.
وتیشی: پێویستە لەكاتی ئەنجامدانی هاوسەرگیری مامۆستایانی ئاینی دڵنیابن لەپشكنینی خوێن بۆ هەردوو ڕەگەز لەپێناو بنبڕكرنی نەخۆشی سالاسیما.
هەرلە سیمینارەكەدا داوا لە مامۆستایانی ئاینی و نوێنەری دادگا كرا پێشگیری بكرێت بۆ كەمكردنەوەی نەخۆشی سالاسیمیا و ڕێگە نەدرێت لەدەرەوەی دادگا هاوسەرگیری ئەنجام بدرێت و هەردوو ڕەگەزیش پێویستە پێش ئەنجامدانی پرۆسەی هاوسەرگیری پشكنینی خوێنیان بۆ كرابێت.
ڕاگەیاندنی تەندروستی سلێمانی
ئهم بابهته 402
جار خوێنراوهتهوه
PM:01:45:17/09/2019