رێوشوێن بەرامبەر ژەهراوی بوونی ژمارەیەك كارمەند دەگیرێتەبەر
تایبەت " تەندروستی "
دوای ئەوەی دوێنێ 8 كارمەندی كۆمپانیایەكی پاككەرەوە لەناو نەخۆشخانەی فریاكەوتنی سلێمانی ژەهراوی بوون بەهۆی خواردنەوە، بەڕێوەبەرایەتی تەندروستی سلێمانی رێوشوێن بەرامبەر ئەو رووداوە دەگرێتەبەر و غەرامەی كۆمپانیەكەی كرد و مۆڵەتێكی بۆ دیاری كرد.
د.یاد نەقشبەندی وتەبێژی بەڕێوەبەرایەتی گشتی تەندروستی سلێمانی لەكۆنفراسێكی رۆژنامەوانیدا ووتی: ژمارەیەیەك كارمەندی كۆمپانیای پاككەرەوە لەناو نەخۆشخانەی فریاكەوتنی سلێمانی ژەهراوی بوون بەهۆی ئەو خواردنەی لەلایەن كۆمپانیاكەوە بۆیان ئامادە دەكرێت كەشوێنی خواردن دروستكردنەكە لەڕووی تەندروستی و ژینگەوە گونجاو نیە، سێ لیژنەی تایبەتی پێكهێنرا و دەست بەجێ بەدوداچوون دەستیپێكرد.
وتیشی: ئەوانە كارمەندی كۆمپانیای پاككەرەوەن و لەلایەن خودی كۆمپانیاكەیان خواردنیان بۆ ئامادە دەكرێت، بڕیاریدا بەغەرامەكردنی كۆمپانیاكە بەبڕی یەك ملیۆن دینار و داخستن و گۆڕینی ئەو شوێنەی خواردنی تێدا ئامادەكرێت لەماوەی 48 كاتژمێردا.
ڕاگەیاندنی تەندروستی سلێمانی
ئهم بابهته 1728
جار خوێنراوهتهوه
PM:12:52:02/09/2019