" تەندروستی "
- ناساندن:
نەخۆشخانەی سووتاوی و نەشتەرگەری جوانكاری لە ساڵی 1996 دروستكراوە و ساڵی 1998 گەورە كرا و لە ساڵی 2004 لەلایەن ڕێكخراوی ئێمرجنسی ئیتاڵی پەرەی پێدراوە و ساڵی 2013 نۆژەنكراوەتەوە.
ژمارەی قەرەوێڵەكانی ئەم نەخۆشخانەیە پێكدێت لە 51 تەخت و تێیدا چارەسەر و تیمار و جوانكاریی بۆ ئەو كەسانە دەكرێت كە ڕوووبەرووی سووتان و ڕووداو بوونەتەوە یان بەهۆی زگماكی یان ڕووداو جەستەیان شێواوە.
ئەم نەخۆشخانەیە پێكدێت لە پسپۆڕییەكانی بەشی سووتان و جوانكاری، خزمەتگوزاریەكانی بۆ پارێزگای سلێمانی و دەوروبەریەتی بە قەزاو ناحیەكانەوە و خزمەتگوزاری تەندروستی پێشكەش بە ئاوارەكانی نیشتەجێی سنوورەكە دەكات.
- ئامانجی نەخۆشخانە :
* چارەسەركردنی برینداری سووتان و توشبووان بە شێرپەنجەی پێست و شێواوی جەستە بەهۆی ڕووداو و زگماكیەوە.
* چارەسەركردنی حاڵەتی بەركەوتن بە ڕووداوەكان و نەخۆشی ئیفلیجی مێشك و برینی سەر جێگا.
- دیدگای نەخۆشخانە :
* باشتر خزمەتكردنی نەخۆش بەشێوەیەكی سەردەمیانە لەڕووی توانای تەندروستی و خزمەتگوزارییەوە.
* هەوڵدان بۆ كەمكردنەوەی شێواوی جەستە لە كۆمەڵگەدا.
- جۆری خزمەتگوزارییە پزیشكی و تاقیگەییەكان:
* خزمەتگوزاری چارەسەری سووتاوی بەشێوەی فریاكەوتن.
* نەشتەرگەری سووتاوی و جوانكاری: نەشتەرگەری گەورە و ناوەند و بچووك.
* چارەسەری نەخۆشی زگماگی قڵیشی لێو و مەڵاشوو (لێو كەروێشكی).
* چارەسەری نەخۆشییەكانی شەویلگە و ڕوو.
* چارەسەری سروشتی بۆ نەخۆشەكان.
* چارەسەری دەروونی: لەكاتی چارەسەركردنی نەخۆش ڕێنمایی دەروونی بە نەخۆش دەدرێت.
* بەشی ئینفێكشن كۆنترۆڵ: بۆ نەهێشتنی بڵاوبوونەوەی ووردە زیندەوەرەكان (بەكتریا، ڤایرۆس، كەڕوو ) لەنێوان نەخۆشەكان.
* خزمەتگوزاریی تاقیگەیی: پشكنینی خوێن و پشكنینی میز و كیمیایی و ووردبینە زیندەوەرەكان و پاراسایت و ڤایرۆسات.
* خزمەتگوزاری تیشك و سۆنەر.
- ناونیشان و شوێنی جوگرافی :
* (سلێمانی - گەڕەكی شێخان).
- چۆنیەتی پەیوەندیكردن بەم نەخۆشخانەیەوە:
* ژمارەی تەلەفۆن: (3207437 - 3208491)
ڕاگەیاندنی تەندروستی سلێمانی